Mileniumi i Ri përmbyll vitin 2011 me sukses!

Gjatë vitit 2011 Mileniumi i Ri ka realizuar një sërë projektesh nga fusha të ndryshme. Në kuadër të Programit për Edukim janë zhvilluar aktivitete kundër duhanpirjës siç janë: debati në ditën botërore kundër duhanit (31.05.2011), fushata mediale kundër duhanit, shpërndarja e fletushkave. Mbajtja e dy sesioneve të trajnimit mbi rreziqet e duhanpirjës dhe krijimin e aktivistëve të rinj kundër duhanit. Po ashtu në kuadër të Programit për Edukim është implementuar projekti për parandalimin e HIV/AIDS-it dhe parandalimin e shtatzënisë së padëshiruar dhe është realizuar fushata edukuese ku janë shpërndarë 4000 fletëpalosje dhe është mbajtur fushata avokuese për vetëdijesimin e studentëve dhe dy trajnime: njëri mbi parandalimin e HIV/AIDS-it dhe Parandalimin e shtatzënisë së padëshiruar. Në këto trajnime janë trajnuar rreth 40 të rijnë, studentë, profesionistë dhe punonjës të institucioneve mjekësore dhe edukuese. Në nëntor 2011 Mileniumi i Ri ka ipmlementuar projektin për anketimin qytetarëve në Podujevë mbi Planin Lokal të Veprimit në Mjedis. Në këtë rast janë anketuar 2000 qytetarë në kuadër të projektit që është financuar nga REC dhe i njëjti është realizuar nga OJQ të ndryshme në 10 komuna të vendit.
Projektet tona në vitin 2011 janë financuar nga: Ministria e Kulturës Rinisë dhe Sporteve, Posta dhe Telekomi i Kosovës dhe REC zyra në Kosovë. Gjithashtu aktivitetet tona janë mbështetur edhe nga Universiteti ILIRIA dhe ATRC.

Stafi i OJQ-së sonë falënderon të gjithë ata që mbështetën projektet tona dhe po ashtu pjesëmarrësit në aktivitetet tona.


Publikohet “Raport mbi zbatimin e masave ligjore kundër duhanit”

Prishtinë: 20.09.2011

Mileniumi i Ri publikoi përmbledhjen “Raport mbi zbatimin e masave ligjore kundër duhanit”. Raporti përmban përmbledhje nga aktivitetet e realizuara në vitin 2011 përmes dy projekteve të financuara nga: PTK Sh.a dhe MKRS/DiR. Raporti është një përmbledhje e zgjeruar mbi debatet, trajnimet dhe rekomandimet për institucionet përgjegjëse. Raporti është hartuar nga Nehat Bllacaku dhe asistentët  Esma Islami dhe Teuta Rexhepi.

Stafi ynë konsideron që raporti do të shërbej si një dokument i rëndësishëm për përpjekjet në zvogëlimin e duhanpirjes, në kohën kur asgjë nuk po bëhet në zbatimin e masave ligjore.

 

45 të rinj u certifikuan si aktivist kundër duhanit!

Në kuadër të projektin "Rini pa Duhan", Mileniumi i Ri mbajti dy sesione të trajnimeve me temën: "Duhani dhe efektet kundër shëndetit - Krijimi i masës kritike dhe avokuesve te rinj". Trajnimet u mbajtën në ATRC më 23 dhe 24 Qershor 2011. Në trajnim morën pjesë 45 të rinj. Pjesëmarrësit janë përzgjedhur përmes një kërkese publike të shprehjes së interesit. Trajnimet u mbajtën nga znj. Valmira Zogiani – Psikologe. Ligjëratat janë mbajtur përmes projektorit dhe ligjëratave për dëmet që paraqet pirja u duhanit, mundësitë e avokimit dhe gjetjes së fondeve për projekte dhe lobim. Pjesëmarrësit janë pajisur me nga një libër "Fakte Shëndetësore – DUHANI", bluza si aktivistë kundër duhanit dhe janë certifikuar si aktivistë kundër këtij fenomeni.


DEBATI ZBATIMI I MASAVE LIGJORE KUNDËR DUHANIT!

Me rastin e 31 Majit – Ditës Botërore pa Duhan, OJQ Mileniumi i Ri dhe Universiteti ILIRIA mbajtën debatin me temën “Zbatimi i Masave Ligjore Kundër Duhanit”. Debati u mbajt në ambientet e universitetit. Në cilësinë e panelistëve folën Abdullah Klinaku këshilltar ligjor i ministrit të shëndetësisë, Genc Prelvukaj këshilltar politik i ministrit të kulturës rinisë dhe sporteve, Dr. Jusuf Dedushaj nga Instituti Kombëtar i Shëndetit Publik, Dr. Hafiz Halili shef i inspektoratit sanitar në komunën e Prishtinës dhe Dr. Skënder Syla nga Organizata Botërore e Shëndetësisë, debatin e moderoi dhe udhëhoqi z. Arbër Reçi Sekretar i Përgjithshëm i Universitetit ILIRIA. 

 
Make a Free Website with Yola.